Almaty oblysy — tabıǵat pen zamanaýı órkenıet úndesken, saıahatshyny birden baýrap alatyn ólke. Munda qysqy týrızm jańa sıpat alyp, demalýshyǵa ózgeshe serpin syılary anyq. Kórkem tabıǵatymen ǵana jandy baýrap qoımaı, jańashyldyqqa jany qumar árbir adamdy ózine tartatyn erekshelikter bul ólkede jeterlik. Al bıyl, aımaqtaǵy qysqy týrızm erekshe sıpatqa ıe bolmaq, dep jazady Egemen.kz.
О́ıtkeni, Almaty oblysynda Ortalyq Azııadaǵy eń úlken muz aıdyny ashylady. Aýmaǵy 22 100 sharshy metr muz aıdyny Qonaev qalasynan oryn tepken. Ashyq aspan astyndaǵy muz aıdynynda yrǵaq pen qozǵalys úılesim taýyp, qysqy maýsymdy belsendi ótkizetinder úshin taptyrmas orynǵa aınalary sózsiz.
Al taýly aımaqtardy tamashalaýdy qalaıtyndarǵa Oi-Qaragai qushaǵyn ashýǵa daıyn. Teńiz deńgeıinen 2140 metr bıiktiktegi bul kýrort qar jamylǵan shyńdarymen, kókjıekke ulasqan aýmaǵy janyńdy baýraıdy. Bul da Ortalyq Azııadaǵy eń uzyn taý shańǵysy trassasy dep sanalady.
Almaty oblysynyń týrıstik beınesin aıshyqtaıtyn bul mekender, biri — energııa men emosııaǵa toly, ekinshisi — tabıǵatpen úndesken tynyshtyq mekeni. Bul jerlerge kelgen jan tek demalyp qaıtpaıdy, ol jańa áser, jańa tynys, jańa shabytpen oralady.